గూగుల్ జూన్ పిక్సెల్ డ్రాప్.. వీడియోలు, పాటలు సృష్టించే కొత్త ఏఐ ఫీచర్ల సందడి

గూగుల్ తన జూన్ పిక్సెల్ డ్రాప్ అప్‌డేట్‌ను విడుదల చేస్తూ పిక్సెల్ స్మార్ట్‌ఫోన్లు, వేర్‌బుల్స్ కోసం పలు కొత్త AI ఆధారిత ఫీచర్లను అందుబాటులోకి తీసుకొచ్చింది. ఆండ్రాయిడ్ 17, వేర్ ఓఎస్ 7తో కలిసి వచ్చిన ఈ అప్‌డేట్‌లో సృజనాత్మక టూల్స్, మెరుగైన మల్టీటాస్కింగ్, విస్తృత భాషా మద్దతు, భద్రతా ఫీచర్లు ఉన్నాయి. స్క్రీన్ రియాక్షన్స్ అనే కొత్త ఫీచర్ ద్వారా వినియోగదారులు స్క్రీన్ రికార్డింగ్‌లపై ప్రత్యక్ష సెల్ఫీ వీడియోను జోడించి రియాక్షన్ వీడియోలు, ట్యుటోరియల్స్ రూపొందించవచ్చు.

జెమినీ ఏఐ ఆధారిత ఫీచర్లు ఈ అప్‌డేట్‌లో ప్రధాన ఆకర్షణగా నిలిచాయి. జెమినీ Omni 2 సహాయంతో టెక్స్ట్ సూచనల ద్వారా వీడియోలను రూపొందించడం, ఎడిట్ చేయడం, ఏఐ అవతార్‌లను సృష్టించడం, ఫోటోలు, వీడియోలను రీమిక్స్ చేయడం సాధ్యమవుతుంది. జెమినీ 3 ద్వారా వినియోగదారులు పాటల సాహిత్యం, సంగీతం, గాత్రంతో కూడిన పూర్తి పాటలను సృష్టించవచ్చు. అదనంగా బబుల్స్ మల్టీటాస్కింగ్, వాయిస్ ట్రాన్స్‌లేట్, క్విక్ షేర్–ఎయిర్‌డ్రాప్ అనుకూలత, అత్యవసర హెచ్చరికలు వంటి ఫీచర్లు అందుబాటులోకి రానున్నాయి. భారతీయ వినియోగదారులకు మాన్యువల్ కాల్ స్క్రీన్ సదుపాయం కూడా లభించనుంది.