మివీ నుంచి కొత్త 5జీ స్మార్ట్‌ఫోన్‌

తెలుగు రాష్ట్రాల నుంచి మరో స్మార్ట్‌ఫోన్‌ మార్కెట్లోకి అడుగుపెడుతోంది. మివీ సంస్థ ‘వన్‌ 5జీ’ స్మార్ట్‌ఫోన్లను అక్టోబర్‌ 8 నుంచి విక్రయించనున్నట్లు సంస్థ సహ వ్యవస్థాపకుడు విశ్వనాథ్‌ కందుల తెలిపారు. 4ఎన్‌ఎం స్నాప్‌డ్రాగన్‌ 4 జెన్‌ 2 మొబైల్‌ ప్లాట్‌ఫామ్‌, ఆండ్రాయిడ్‌ 16 ఆపరేటింగ్‌ సిస్టమ్‌తో ఈ ఫోన్‌ అందుబాటులోకి రానుంది.

మివీ వన్‌ 5జీలో 6,000 ఎంఏహెచ్‌ బ్యాటరీ, 50 ఎంపీ డ్యూయల్‌ కెమెరా, 4జీబీ, 6జీబీ, 8జీబీ ర్యామ్‌ వేరియంట్లు, 128 జీబీ స్టోరేజీ వంటి ఫీచర్లు ఉన్నాయి. ఈ ఫోన్లను ఫ్లిప్‌కార్ట్‌లో విక్రయించనున్నట్లు సంస్థ తెలిపింది. ప్రత్యేక ధరలు రూ.11,999 నుంచి ప్రారంభమవుతాయని పేర్కొంది. మివీకి హైదరాబాద్‌లోనే తయారీ ప్లాంట్‌ ఉంది.