దేశవ్యాప్తంగా పెరిగిన అమూల్ పాల ధరలు

ప్రముఖ డెయిరీ సంస్థ అమూల్ పాల ధరలను పెంచుతున్నట్లు ప్రకటించింది. నవంబర్ 12, 2026 నుంచి దేశవ్యాప్తంగా ప్రధాన ప్యాకెట్ పాల రకాలపై లీటరుకు రూ.2 నుంచి రూ.4 వరకు ధరలు పెరగనున్నాయి. అమూల్ తాజా పాల ధర లీటరుకు రూ.2 పెరగనుండగా, అమూల్ గోల్డ్ ధర లీటరుకు రూ.4 అధికం కానుంది. ఈ ధరల పెంపు తాజా ప్యాకెట్ పాల ప్రధాన వేరియంట్లకు వర్తించనుంది.

పశువుల దాణా, పశుగ్రాసం, ప్యాకేజింగ్ సామగ్రి, ఇంధన ధరలు పెరగడం వల్ల ఉత్పత్తి, సరఫరా ఖర్చులు అధికమయ్యాయని సంస్థ తెలిపింది. ఈ వ్యయాల భారాన్ని దృష్టిలో ఉంచుకుని పాల ధరలను సవరించినట్లు పేర్కొంది. తాజా నిర్ణయంతో అమూల్ పాలను కొనుగోలు చేసే వినియోగదారులపై అదనపు భారం పడనుంది.