పీఎఫ్ చందాదారులకు EPFO శుభవార్త..

పీఎఫ్ చందాదారులకు ఎంప్లాయీస్ ప్రావిడెంట్ ఫండ్ ఆర్గనైజేషన్ (EPFO) కీలక ప్రకటన చేసింది. జూలై 15 నాటికి 8.25 శాతం వార్షిక వడ్డీని దేశవ్యాప్తంగా దాదాపు 34 కోట్ల EPF ఖాతాల్లో జమ చేయనున్నట్లు వెల్లడించింది. దీంతో కోట్లాది ఉద్యోగులు ఈ వడ్డీ ప్రయోజనాన్ని పొందనున్నారు.

అలాగే EPFO కొత్త డిజిటల్ పోర్టల్‌ను ప్రారంభించి, రూ.5 లక్షల వరకు ఉన్న మొత్తాన్ని ఆటోమేటిక్ క్లెయిమ్ సెటిల్‌మెంట్ ద్వారా సులభంగా పొందే సదుపాయాన్ని అందుబాటులోకి తీసుకొచ్చింది. ఈ చర్యతో క్లెయిమ్ ప్రక్రియ వేగవంతం కావడంతో పాటు చందాదారులకు మరింత సౌకర్యవంతమైన డిజిటల్ సేవలు అందనున్నాయి.