ఇజ్రాయెల్–లెబనాన్ భద్రతా ఒప్పందంపై అంగీకారం

ఇజ్రాయెల్ మరియు లెబనాన్ మధ్య శాంతి దిశగా కీలక ముందడుగు పడింది. అమెరికా, ఇజ్రాయెల్, లెబనాన్ దేశాలు కలిసి త్రైపాక్షిక ఫ్రేమ్‌వర్క్ ఒప్పందంపై సంతకాలు చేశాయి. వాషింగ్టన్‌లో నాలుగు రోజుల చర్చల అనంతరం ఈ ఒప్పందం కుదిరింది. అమెరికా విదేశాంగ మంత్రి మార్కో రూబియో సమక్షంలో ఇజ్రాయెల్ మరియు లెబనాన్ రాయబారులు ఈ ఒప్పందంపై సంతకాలు చేశారు. హెజ్‌బొల్లా గ్రూప్‌తో నెలలుగా సాగిన ఘర్షణల తర్వాత ఇది కీలక పరిణామంగా భావిస్తున్నారు.

మార్కో రూబియో మాట్లాడుతూ ఇది శాంతి ప్రక్రియకు ఆరంభమని, అయితే ఇంకా అనేక సవాళ్లు ఉన్నాయని తెలిపారు. ఇజ్రాయెల్, లెబనాన్ ప్రజలు శాంతి మరియు భద్రతతో జీవించేందుకు అర్హులని ఆయన అన్నారు. ఒప్పందం ప్రకారం దక్షిణ లెబనాన్‌లోని కొన్ని ప్రాంతాల నుంచి ఇజ్రాయెల్ బలగాలు క్రమంగా వెనక్కి తగ్గనున్నాయి. అదే సమయంలో లెబనాన్ సైన్యం అక్కడ మోహరించనుంది. అయితే ఒప్పందంలోని వివరాలు ఇంకా వెల్లడికాలేదు. హెజ్‌బొల్లా గ్రూప్‌ను ఈ ఒప్పందంలో చేర్చకపోవడం గమనార్హం.