కేబినెట్ బిగ్ డిసిజన్.. గోబర్ధన్‌కు గ్రీన్ సిగ్నల్!

కేంద్ర కేబినెట్ దేశంలో సస్టైనబుల్ ఎనర్జీ మరియు మౌలిక వసతుల అభివృద్ధికి కీలక నిర్ణయాలు తీసుకుంది. గోబర్ధన్ పథకం కింద బయోగ్యాస్ ఉత్పత్తిని ప్రోత్సహించేందుకు రూ.23,731 కోట్లతో భారీ ప్రణాళికకు ఆమోదం తెలిపింది. ఈ పథకం ద్వారా శుద్ధ ఇంధన వినియోగాన్ని పెంచడంతో పాటు గ్రామీణాభివృద్ధికి దోహదం చేయాలని లక్ష్యంగా పెట్టుకుంది.

అదే సమయంలో, అస్సాంలో నాలుగు లేన్ల జాతీయ రహదారి నిర్మాణానికి కూడా కేబినెట్ ఆమోదం తెలిపింది. రూ.8,970 కోట్లతో చేపట్టనున్న ఈ ప్రాజెక్ట్ రాష్ట్రంలో రవాణా సౌకర్యాలను మెరుగుపరచడమే కాకుండా ఆర్థిక కార్యకలాపాలకు ఊతమివ్వనుంది.