పీసీసీ క్రమశిక్షణ కమిటీకి చిన్నారెడ్డి రాతపూర్వక వివరణ

పీసీసీ క్రమశిక్షణ కమిటీ ఇచ్చిన నోటీసుకు కాంగ్రెస్ నేత చిన్నారెడ్డి స్పందించారు. కమిటీ మూడు రోజుల్లో వివరణ ఇవ్వాలని కోరిందని, ఆ మేరకు రాతపూర్వకంగా తన వివరణను సమర్పించినట్లు ఆయన తెలిపారు.

ఈ అంశంపై ఇకపై తాను ఎలాంటి వ్యాఖ్యలు చేయబోనని చిన్నారెడ్డి స్పష్టం చేశారు. సీఎం రేవంత్ రెడ్డి విదేశీ పర్యటన నుంచి తిరిగి వచ్చిన తర్వాత ఆయనను కలిసి మాట్లాడతానని చెప్పారు. అయితే కాంగ్రెస్ హైకమాండ్‌ను కలిసే ఆలోచన ప్రస్తుతానికి లేదని వెల్లడించారు.