చెన్నై చేరుకున్న ప్రధాని మోదీ.. స్వాగతం పలికిన సీఎం విజయ్

భారత ప్రధాని నరేంద్ర మోదీ చెన్నై మెట్రో రైలు ప్రాజెక్టు రెండో దశలో భాగంగా మెట్రో సేవలను ప్రారంభించడంతో పాటు పలు కార్యక్రమాల్లో పాల్గొనేందుకు తమిళనాడుకు చేరుకున్నారు. రెండో దశలోని నాలుగో మార్గంలో తొలి భాగంగా పూనమల్లి బైపాస్ రోడ్డు మెట్రో స్టేషన్ నుంచి వడపళని మెట్రో స్టేషన్ వరకు నిర్మించిన ఎలివేటెడ్ మార్గంలో ఆయన మెట్రో సేవలను ప్రారంభించనున్నారు.

చెన్నై విమానాశ్రయానికి చేరుకున్న ప్రధాని మోదీకి తమిళనాడు ముఖ్యమంత్రి సి. జోసెఫ్ విజయ్ సాదరంగా స్వాగతం పలికారు. ఈ సందర్భంగా శాలువా కప్పి, పుష్పగుచ్ఛం అందజేశారు. మెట్రో రెండో దశ ప్రారంభోత్సవంతో పాటు ఇతర కార్యక్రమాల్లోనూ ప్రధాని పాల్గొననున్నారు.