హైదరాబాద్‌ ట్రాఫిక్‌పై సీఎస్‌ సంజయ్‌ జాజు కీలక సమీక్ష

హైదరాబాద్‌ నగరం, ఔటర్‌ రింగ్‌ రోడ్డు పరిధిలో ట్రాఫిక్‌ రద్దీని నియంత్రించడంతో పాటు రోడ్డు ప్రమాదాలను తగ్గించేందుకు సమగ్ర కార్యాచరణ ప్రణాళిక రూపొందించాలని రాష్ట్ర ప్రభుత్వ ప్రధాన కార్యదర్శి సంజయ్‌ జాజు అధికారులను ఆదేశించారు. ముఖ్యమంత్రి ఎ. రేవంత్‌ రెడ్డి ఆదేశాల మేరకు సచివాలయంలో నిర్వహించిన సమీక్షలో ట్రాఫిక్‌ సిగ్నలింగ్‌, ప్రమాదకర ప్రాంతాల గుర్తింపు, అత్యవసర సేవలకు వేగవంతమైన మార్గాలు, ఎలక్ట్రానిక్‌ అమలు వ్యవస్థ తదితర అంశాలపై చర్చించారు. నవంబర్‌, డిసెంబర్‌ నాటికి అవసరమైన ప్రాంతాల్లో ఆధునిక సంకేత నియంత్రణ వ్యవస్థలను ఏర్పాటు చేయాలని సూచించారు.

ట్రాఫిక్‌ నిర్వహణ, రోడ్డు భద్రత కోసం ట్రాఫిక్‌ నిర్వహణ, రోడ్డు భద్రత వ్యవస్థ పేరుతో ప్రత్యేక వ్యవస్థ ఏర్పాటుకు ప్రతిపాదనలు సిద్ధం చేయాలని సీఎస్‌ సూచించారు. పోలీస్‌, రవాణా, రోడ్లు-భవనాలు, మున్సిపల్‌, పట్టణాభివృద్ధి శాఖలు సమన్వయంతో పనిచేయాలని, సమగ్ర ట్రాఫిక్‌ సమాచార వేదిక ఏర్పాటు చేసే అవకాశాలను పరిశీలించాలని ఆదేశించారు. కృత్రిమ మేధస్సు ఆధారిత ట్రాఫిక్‌ నిర్వహణ, రోడ్డు భద్రతా సాంకేతికతలను వినియోగిస్తూ ప్రయోగాత్మక ప్రాజెక్టులు చేపట్టి, ఫలితాల ఆధారంగా వాటిని రాష్ట్రవ్యాప్తంగా దశలవారీగా విస్తరించాలని సూచించారు.