తెలంగాణ జర్నలిస్టులకు ప్రభుత్వం గుడ్ న్యూస్!

తెలంగాణలోని వర్కింగ్ జర్నలిస్టులకు రాష్ట్ర ప్రభుత్వం శుభవార్త అందించింది. 2026-2028 కాలానికి కొత్త అక్రిడిటేషన్లు జారీ చేస్తున్న నేపథ్యంలో అర్హులైన రాష్ట్ర, జిల్లా స్థాయి జర్నలిస్టులకు రాయితీ బస్సు పాస్‌లు అందించాలని సమాచార, ప్రజాసంబంధాల శాఖ రాష్ట్ర రోడ్డు రవాణా సంస్థను కోరింది.

ఈ మేరకు సమాచార, ప్రజాసంబంధాల శాఖ ప్రత్యేక కమిషనర్ జి. ముకుంద రెడ్డి అధికారిక లేఖ పంపించారు. ప్రస్తుతం ఉన్న బస్సు పాస్‌ల గడువు ఈ నెల 16తో ముగియనున్నందున, 17-06-2026 నుంచి 30-04-2028 వరకు చెల్లుబాటు అయ్యే కొత్త పాస్‌ల కోసం ఆన్‌లైన్‌లో దరఖాస్తు చేసుకునే అవకాశం కల్పించాలని కోరారు. కొత్త అక్రిడిటేషన్ కార్డుల జారీ ప్రారంభమైందని, మిగిలిన కార్డుల పంపిణీ ప్రక్రియ కొనసాగుతోందని ఆయన తెలిపారు.