రాధా గాయత్రి మృతి కేసులో భర్త అరెస్ట్

ముస్సోరిలో అనుమానాస్పదంగా మృతి చెందిన విశాఖకు చెందిన టెకీ రాధా గాయత్రి కేసులో కీలక పరిణామం చోటుచేసుకుంది. ఈ కేసులో ఆమె భర్త శ్రీచరణ్‌ను డెహ్రాడూన్ పోలీసులు అరెస్టు చేశారు. తమ కుమార్తెను భర్తే హత్య చేశాడని రాధా గాయత్రి కుటుంబ సభ్యులు ఆరోపిస్తున్నారు.

ఈ ఆరోపణల నేపథ్యంలో డెహ్రాడూన్ కలెక్టర్ మెజిస్టీరియల్ విచారణకు ఆదేశించారు. జూన్ 14 నుంచి 16 మధ్య జరిగిన పరిణామాలతో పాటు, తల్లిదండ్రులు రాకముందే పోస్టుమార్టం ఎందుకు నిర్వహించారనే అంశాలపై విచారణ జరగనుంది. కేసుపై పోలీసులు దర్యాప్తు కొనసాగిస్తున్నారు.