హార్ముజ్ జలసంధిలో భారత్‌కు అనుమతి.. మరో మూడు దేశాల నౌకలకూ గ్రీన్ సిగ్నల్!

హార్ముజ్ జలసంధి మీదుగా భారత్, చైనా, ఇరాక్, ఖతర్ దేశాలకు చెందిన నౌకల రాకపోకలకు అనుమతిస్తున్నట్లు ఇరాన్ ప్రకటించింది. అంతర్జాతీయ సముద్ర వాణిజ్యంలో కీలకమైన ఈ జలసంధి ద్వారా నౌకల రాకపోకలకు అనుమతి ఇవ్వడం ప్రాధాన్యత సంతరించుకుంది. భారత నౌకలకు అనుమతి కల్పించడం వల్ల దేశానికి మందుల దిగుమతులు సులభతరం అవుతాయని ఇరాన్ ప్రతినిధి వెల్లడించారు.

అయితే భారత్, చైనా దేశాలకు చెందిన నౌకల నుంచి రవాణా ఫీజులు వసూలు చేస్తామని ఇరాన్ స్పష్టం చేసింది. హార్ముజ్ జలసంధి అంతర్జాతీయ వాణిజ్యానికి, ముఖ్యంగా చమురు, ఇతర కీలక వస్తువుల రవాణాకు ఎంతో ముఖ్యమైన మార్గం. ఈ అనుమతులకు సంబంధించిన పూర్తి నిబంధనలు, ఫీజుల వివరాలు ఇంకా వెల్లడికావాల్సి ఉంది.