బావమరిది శ్రీనివాసరావు దశదిన కార్యక్రమంలో పాల్గొన్న కేసీఆర్‌

బీఆర్‌ఎస్‌ అధినేత, తెలంగాణ మాజీ ముఖ్యమంత్రి కల్వకుంట్ల చంద్రశేఖర్‌రావు తన బావమరిది, శోభమ్మ తమ్ముడు దివంగత జోగినిపల్లి శ్రీనివాసరావు దశదిన కార్యక్రమంలో పాల్గొన్నారు. సోమవారం కొంపెల్లిలోని ఆస్పిషియస్‌ కన్వెన్షన్‌ హాల్‌లో నిర్వహించిన ఈ కార్యక్రమానికి కేసీఆర్‌తో పాటు పలువురు ప్రముఖులు హాజరయ్యారు. శ్రీనివాసరావు చిత్రపటానికి పూలు సమర్పించి ఘనంగా నివాళులర్పించారు.

శ్రీనివాసరావు ఈ నెల 13న మృతి చెందిన విషయం తెలిసిందే. దశదిన కార్యక్రమంలో ఎంపీలు రవిచంద్ర, పార్థసారథి రెడ్డి, మాజీ ఎంపీ సురేష్‌రెడ్డి తదితరులు పాల్గొని ఆయన చిత్రపటానికి శ్రద్ధాంజలి ఘటించారు. అనంతరం శ్రీనివాసరావు కుటుంబ సభ్యులను పరామర్శించి తమ సానుభూతిని తెలియజేశారు.