జాంటీ రోడ్స్‌తో నారా లోకేష్ భేటీ..

అమరావతిలో ఆంధ్రప్రదేశ్ మంత్రి నారా లోకేష్, దక్షిణాఫ్రికా క్రికెట్ దిగ్గజం జాంటీ రోడ్స్‌తో సమావేశమయ్యారు. ఈ సందర్భంగా క్రీడల అభివృద్ధి, యువత సాధికారత, క్రీడా మౌలిక వసతుల బలోపేతం వంటి అంశాలపై కీలక చర్చలు జరిపారు. రాష్ట్రంలో యువ క్రీడాకారులకు మరిన్ని అవకాశాలు కల్పించడం, అంతర్జాతీయ ప్రమాణాలతో కూడిన క్రీడా వాతావరణాన్ని సృష్టించడం ప్రధాన లక్ష్యమని లోకేష్ పేర్కొన్నారు.

ప్రపంచ స్థాయి స్పోర్ట్స్ ఎకోసిస్టమ్‌ను నిర్మించి ఆంధ్రప్రదేశ్‌ను దేశంలోనే ప్రముఖ స్పోర్ట్స్ హబ్‌గా తీర్చిదిద్దడమే ప్రభుత్వ లక్ష్యమని నారా లోకేష్ తెలిపారు. జాంటీ రోడ్స్‌ను స్ఫూర్తిదాయక క్రీడాకారుడిగా అభివర్ణించిన ఆయన, ఆయన అనుభవం రాష్ట్ర క్రీడారంగ అభివృద్ధికి ఉపయోగపడుతుందని అన్నారు. ఈ భేటీ రాష్ట్ర క్రీడా రంగ భవిష్యత్ ప్రణాళికలకు కీలకంగా మారనుంది.