రామ మందిరం వివాదం.. దర్యాప్తు జరగాల్సిందే: ధీరేంద్ర శాస్త్రి

రామ మందిరం విరాళాల దుర్వినియోగం జరిగిందనే ఆరోపణలపై పండిట్ ధీరేంద్ర కృష్ణ శాస్త్రి స్పందించారు. భక్తులు సమర్పించిన ఒక్క రూపాయి కూడా దుర్వినియోగం అయి ఉంటే, అది కోట్లాది మంది భక్తుల విశ్వాసానికి చేసిన ద్రోహమని ఆయన అన్నారు. ఈ అంశంపై నిష్పాక్షికంగా, పారదర్శకంగా విచారణ జరగాలని ఆయన కోరారు.

విచారణలో ఎవరైనా తప్పు చేసినట్లు తేలితే వారిపై కఠిన చర్యలు తీసుకోవాలని ధీరేంద్ర శాస్త్రి పేర్కొన్నారు. ఈ వ్యవహారంపై తనకు మరిన్ని విషయాలు తెలిసినా, పేర్లు బయటపెడితే తన భద్రతకు ముప్పు ఏర్పడే అవకాశం ఉందని భావించి వెల్లడించడం లేదని చెప్పారు. ప్రస్తుతం ఈ కేసు విచారణలో ఉండగా, ఇప్పటివరకు అధికారికంగా ఎలాంటి తుది నిర్ణయం వెలువడలేదు.