తుంగభద్ర డ్యాంలో కొత్త స్పిల్‌వే గేట్ల ప్రారంభం

కర్ణాటకలోని తుంగభద్ర డ్యాంలో కొత్తగా ఏర్పాటు చేసిన స్పిల్‌వే గేట్లను ఆంధ్రప్రదేశ్ ముఖ్యమంత్రి చంద్రబాబు నాయుడు, కర్ణాటక ఉప ముఖ్యమంత్రి డీకే శివకుమార్, తెలంగాణ ముఖ్యమంత్రి రేవంత్ రెడ్డి, కేంద్ర జలశక్తి శాఖ మంత్రి సీఆర్ పాటిల్ సంయుక్తంగా ప్రారంభించారు. ఈ కార్యక్రమం తుంగభద్ర ప్రాజెక్టుకు కీలక ఘట్టంగా నిలిచింది.

ఆంధ్రప్రదేశ్, కర్ణాటక ప్రభుత్వాలు సంయుక్తంగా రూ.51 కోట్ల వ్యయంతో మొత్తం 33 కొత్త స్పిల్‌వే గేట్లను ఏర్పాటు చేశాయి. ఈ కొత్త గేట్లతో డ్యాం నిర్వహణ సామర్థ్యం పెరగడంతో పాటు నీటి వినియోగం, పంపిణీ మరింత సమర్థవంతంగా సాగనుంది.

గేట్ల ప్రారంభోత్సవం అనంతరం ముగ్గురు ముఖ్యమంత్రులు, కేంద్ర మంత్రి హోస్‌పేట్‌లోని బహిరంగ సభా వేదికకు చేరుకున్నారు. ఈ సభలో ముఖ్యమంత్రి చంద్రబాబు నాయుడు ప్రసంగించనున్నారు. ఆయన వెంట మంత్రులు నిమ్మల రామానాయుడు, పయ్యావుల కేశవ్ కూడా పాల్గొన్నారు.