ఏపీలో స్థానిక సంస్థల ఎన్నికలకు ఆన్‌లైన్ విధానం

ఆంధ్రప్రదేశ్‌లో రానున్న స్థానిక సంస్థల ఎన్నికల నిర్వహణలో కూటమి ప్రభుత్వం కొత్త ఆన్‌లైన్ విధానాన్ని అమలు చేయనున్నట్లు తెలిపింది. స్వర్ణ పంచాయతీ పోర్టల్‌లో ఓటర్ల జాబితాలను అందుబాటులో ఉంచి, వాటి ఆధారంగా రిజర్వేషన్లను ఖరారు చేయనున్నట్లు పేర్కొంది. ఎన్నికల ప్రక్రియను మరింత పారదర్శకంగా, సమర్థవంతంగా నిర్వహించేందుకు ఈ విధానాన్ని తీసుకొస్తున్నట్లు ప్రభుత్వ వర్గాలు తెలిపాయి.

కొత్త విధానం అమల్లోకి వస్తే స్థానిక సంస్థల ఎన్నికల్లో రాజకీయ లాబీయింగ్‌కు అవకాశం తగ్గుతుందని ప్రభుత్వం భావిస్తోంది. ఓటర్ల జాబితాలు, రిజర్వేషన్ల ప్రక్రియను ఆన్‌లైన్‌లో అందుబాటులో ఉంచడం ద్వారా పారదర్శకత పెరుగుతుందని పేర్కొంది. ఎన్నికల నిర్వహణలో సాంకేతికతను విస్తృతంగా వినియోగించేందుకు ప్రభుత్వం చర్యలు చేపడుతోంది.