ఢిల్లీ సెషన్స్ కోర్టులో సోనియా గాంధీకి ఎదురుదెబ్బ

సోనియా గాంధీ ఓటరు జాబితాలో పేరు నమోదుకు సంబంధించిన కేసులో ఢిల్లీ సెషన్స్ కోర్టు కీలక ఉత్తర్వులు జారీ చేసింది. ఆమెపై ఎఫ్‌ఐఆర్‌ నమోదు చేయాలన్న పిటిషన్‌ను గతంలో తిరస్కరించిన మేజిస్ట్రేట్‌ కోర్టు ఉత్తర్వులను సెషన్స్ కోర్టు రద్దు చేసింది. 1983లో భారత పౌరసత్వం పొందకముందే, 1980లో ఓటరు జాబితాలో సోనియా గాంధీ పేరు నమోదైందని ఫిర్యాదుదారు ఆరోపించారు.

ఈ అంశంపై మేజిస్ట్రేట్‌ కోర్టు తాజాగా మరోసారి విచారణ జరిపి, ఫిర్యాదుదారు, ఢిల్లీ పోలీసుల వాదనలు పరిగణనలోకి తీసుకుని కారణాలతో కూడిన ఉత్తర్వులు ఇవ్వాలని సెషన్స్ కోర్టు ఆదేశించింది. అయితే సెషన్స్ కోర్టు నేరుగా ఎఫ్‌ఐఆర్‌ నమోదు చేయాలని ఆదేశించలేదు. తనపై వచ్చిన ఆరోపణలను సోనియా గాంధీ ఇప్పటికే ఖండిస్తూ, అవి ఆధారాలు లేని ఊహాగానాలపై ఆధారపడ్డాయని పేర్కొన్నారు.