'స్పైడర్-మ్యాన్: బ్రాండ్ న్యూ డే' ఫైనల్ ట్రైలర్ విడుదల

మార్వెల్ స్టూడియోస్ నిర్మించిన 'స్పైడర్ మ్యాన్: బ్రాండ్ న్యూ డే' చిత్రానికి సంబంధించిన ఫైనల్ ట్రైలర్ విడుదలైంది. టామ్ హాలండ్ స్పైడర్-మ్యాన్‌గా నటిస్తున్న నాలుగో సోలో చిత్రం ఇది. జూలై 30న ప్రపంచవ్యాప్తంగా ఇంగ్లీష్‌తో పాటు తెలుగు, హిందీ, తమిళం, మలయాళం, కన్నడ భాషల్లో ఈ సినిమా ప్రేక్షకుల ముందుకు రానుంది. నో వే హోమ్ తర్వాత ప్రపంచం తనను మర్చిపోయిన నేపథ్యంలో పీటర్ పార్కర్ జీవితం ఎలా మారిందో ట్రైలర్‌లో చూపించారు.

ట్రైలర్‌లో పీటర్ పార్కర్, ఎంజే మధ్య భావోద్వేగ సన్నివేశాలు ఆకట్టుకుంటున్నాయి. అలాగే మార్క్ రఫాలో హల్క్ పాత్రలో కనిపించనున్నట్లు అధికారికంగా చూపించారు. డెస్టిన్ డేనియల్ క్రెట్టన్ దర్శకత్వం వహించిన ఈ చిత్రంలో టామ్ హాలండ్, జెండయా, సేడీ సింక్, జేకబ్ బటాలన్, జాన్ బెర్న్తాల్, మైకేల్ మాండో, ట్రామెల్ టిల్మన్, మార్క్ రఫాలో కీలక పాత్రలు పోషించారు. ఈ చిత్రం పలు ప్రీమియం ఫార్మాట్లలో విడుదల కానుంది.