సమోసా కోసం.. రైలు ఆపి!

మధ్యప్రదేశ్‌లోని ఇండోర్‌లో ఓ లోకోపైలట్‌ డెమో రైలును ఆపి సమోసాలు కొనడానికి దుకాణానికి వెళ్లిన ఘటన కలకలం రేపింది. ఈ ఘటనను స్థానికులు, ప్రయాణికులు వీడియోగా చిత్రీకరించగా, అది సామాజిక మాధ్యమాల్లో వైరల్‌గా మారింది.

ఈ వీడియో వైరల్ కావడంతో రైల్వే ఉన్నతాధికారులు విచారణకు ఆదేశించారు. వ్యక్తిగత అవసరాల కోసం రైలును ఆపినట్లు తేలితే కఠిన చర్యలు తీసుకుంటామని అధికారులు హెచ్చరించారు. ఈ ఘటన ప్రజాసేవలో క్రమశిక్షణపై చర్చకు దారితీసింది.