యాదగిరిగుట్టలో మూడు రోజుల వరుణ యాగం ప్రారంభం

యాదగిరిగుట్ట శ్రీ లక్ష్మీ నరసింహస్వామి ఆలయంలో మూడు రోజుల పాటు నిర్వహించనున్న వర్ష పాశుపత వరుణ యాగం ఆదివారం ప్రారంభమైంది. ఎల్‌నినో ప్రభావంతో ఏర్పడిన వర్షాభావ పరిస్థితులు తొలగి రాష్ట్రంలో సమృద్ధిగా వర్షాలు కురవాలని సంకల్పంతో ఈ ప్రత్యేక యాగాన్ని నిర్వహిస్తున్నారు.

వేద పండితుల ఆధ్వర్యంలో ప్రత్యేక పూజలు, హోమాలు నిర్వహిస్తూ లోకక్షేమం, సకాలంలో వర్షాలు, పంటల సుభిక్షం కోసం ప్రార్థనలు చేస్తున్నారు. మూడు రోజుల పాటు కొనసాగే ఈ యాగంలో పెద్ద సంఖ్యలో భక్తులు పాల్గొనే అవకాశం ఉందని ఆలయ అధికారులు తెలిపారు.