యశ్‌తో తమిళ డైరెక్టర్ భారీ సాహసం?

రాకింగ్ స్టార్ యష్ అభిమానులకు ఆసక్తికరమైన వార్త ఒకటి తెరపైకి వచ్చింది. తమిళ దర్శకుడు PS మిత్రన్, యశ్‌తో కలిసి భారీ సాహస చిత్రాన్ని తెరకెక్కించేందుకు సిద్ధమవుతున్నట్లు ప్రచారం జరుగుతోంది. ఇండియానా జోన్స్ తరహాలో ఉత్కంఠభరితమైన అన్వేషణలు, సాహసాలతో ఈ కథ సాగనుందని సమాచారం. ఇటీవలే దర్శకుడు మిత్రన్ ఈ ప్రాజెక్టుకు సంబంధించిన కథను యశ్‌కు వినిపించగా, ఆయనకు ఆ ఆలోచన బాగా నచ్చినట్లు తెలుస్తోంది. దీంతో ఈ కలయికపై సినీ వర్గాల్లో ఆసక్తి పెరుగుతోంది.

అయితే, ఈ సినిమా పనులు వెంటనే ప్రారంభం కావడం లేదు. ప్రస్తుతం యష్ , నితీష్ తివారీ దర్శకత్వంలో తెరకెక్కుతున్న రామాయణ చిత్రంలో రావణుడి పాత్ర పోషిస్తున్నారు. ఈ సినిమాకు సంబంధించిన తన బాధ్యతలను పూర్తి చేసిన తర్వాతే పీఎస్ మిత్రన్ ప్రాజెక్టుపై అధికారికంగా దృష్టి పెట్టనున్నట్లు సమాచారం. ఇప్పటివరకు ఈ వార్తపై చిత్రబృందాల నుంచి అధికారిక ప్రకటన రాలేదు. ఒకవేళ ఈ కలయిక నిజమైతే, యశ్‌ను సరికొత్త సాహస ప్రపంచంలో చూసే అవకాశం అభిమానులకు దక్కనుంది.