కేరళ బాక్సాఫీస్‌ను షేక్ చేస్తున్న ‘హ్యాపీ’ రీ రిలీజ్

అల్లు అర్జున్‌కు కేరళలో ఉన్న అభిమాన గణం మరోసారి రుజువైంది. ఆయన నటించిన ‘హ్యాపీ’ చిత్రం రీ రిలీజ్ అయిన తర్వాత కేరళ బాక్సాఫీస్ వద్ద అద్భుతమైన వసూళ్లు సాధిస్తూ సంచలనం సృష్టిస్తోంది. తొలి రోజు ప్రీమియర్లతో కలిపి ₹35 లక్షలు, రెండో రోజు ₹28 లక్షలు, మూడో రోజు ₹32.5 లక్షలు, నాలుగో రోజు ₹15 లక్షలు వసూలు చేసింది.

మొత్తంగా నాలుగు రోజుల్లో ₹1.10 కోట్ల గ్రాస్ వసూళ్లు సాధించిన ‘హ్యాపీ’ రీ రిలీజ్ చిత్రంగా ప్రత్యేక రికార్డును నమోదు చేసింది. ఇటీవల విడుదలైన కొన్ని భారీ చిత్రాలు కూడా అందుకోలేని స్థాయిలో ఈ సినిమా కలెక్షన్లు నమోదు చేయడం విశేషంగా మారింది. కేరళలో మలయాళీయేతర నటుడిగా అల్లు అర్జున్‌కు ఉన్న అపారమైన ఆదరణను ఈ విజయంతో మరోసారి నిరూపించింది.