NBK-111లో కాజల్ ఎంట్రీ.. అధికారికంగా ప్రకటించిన మేకర్స్

గాడ్ ఆఫ్ మాసెస్ నందమూరి బాలకృష్ణ, మాస్ డైరెక్టర్ గోపీచంద్ మలినేని కాంబినేషన్‌లో రూపొందుతున్న NBK-111 సినిమాపై ఇప్పటికే భారీ అంచనాలు నెలకొన్నాయి. ‘భగవంత్ కేసరి’ వంటి బ్లాక్‌బస్టర్ తర్వాత వస్తున్న ఈ చిత్రాన్ని వృద్ధి సినిమాస్ బ్యానర్‌పై వెంకట సతీష్ కిలారు నిర్మిస్తున్నారు. ఇందులో మంచు మనోజ్ కీలక పాత్రలో నటిస్తున్నారు. మొదట ఈ చిత్రంలో నయనతార హీరోయిన్‌గా నటిస్తుందని ప్రచారం జరిగినప్పటికీ, ఇటీవల ఆమె ప్రాజెక్ట్ నుంచి తప్పుకున్నట్లు వార్తలు వినిపించాయి.

ఈ పుకార్లకు తెరదిస్తూ దర్శకుడు గోపీచంద్ మలినేని కాజల్ అగర్వాల్ ఈ చిత్రంలో హీరోయిన్‌గా నటిస్తున్నట్లు అధికారికంగా ప్రకటించారు. కాజల్ పుట్టినరోజు సందర్భంగా ఆమెకు శుభాకాంక్షలు తెలుపుతూ ప్రత్యేక పోస్టర్‌ను విడుదల చేశారు. చీరకట్టులో, కళ్లజోడుతో, గంభీరమైన లుక్‌లో కనిపించిన కాజల్ ప్రేక్షకులను ఆకట్టుకుంది. ‘భగవంత్ కేసరి’ తర్వాత మరోసారి బాలయ్య-కాజల్ జోడీ కనిపించనుండటంతో అభిమానుల్లో ఆసక్తి మరింత పెరిగింది.