‘మహాకాళి’ రిలీజ్ డేట్ ఫిక్స్..

‘హనుమాన్’ సినిమాతో దేశవ్యాప్తంగా గుర్తింపు తెచ్చుకున్న దర్శకుడు ప్రశాంత్ వర్మ తన సినిమాటిక్ యూనివర్స్‌ను మరింత విస్తరిస్తున్నారు. ‘జై హనుమాన్’తో పాటు ‘మహాకాళి’ చిత్రాన్ని కూడా తెరకెక్కిస్తున్నారు. ప్రశాంత్ వర్మ సినిమాటిక్ యూనివర్స్‌లో ‘మహాకాళి’కి ప్రత్యేక స్థానం ఉండబోతున్నట్లు తెలుస్తోంది.

కాళీదేవి స్ఫూర్తితో స్త్రీ శక్తిని సూపర్ హీరో కాన్సెప్ట్‌లో ఆవిష్కరించేలా ఈ సినిమాను రూపొందిస్తున్నారు. భారతీయ సినిమా చరిత్రలో తొలి ఫీమేల్ సూపర్ హీరో చిత్రంగా ‘మహాకాళి’ని తెరకెక్కిస్తున్నట్లు మేకర్స్ ఇప్పటికే ప్రకటించారు. విడుదలైన పోస్టర్లు సినిమాపై ఆసక్తిని పెంచగా, ఆగస్టు 24న మాస్ గ్లింప్స్‌ను విడుదల చేయనున్నట్లు ప్రశాంత్ వర్మ ప్రకటించారు.

తాజాగా ‘మహాకాళి’ రిలీజ్ డేట్‌ను కూడా దర్శకుడు వెల్లడించారు. 2027 జనవరి 8న సంక్రాంతి సీజన్‌లో ఈ సినిమా ప్రేక్షకుల ముందుకు రానుంది. రవితేజ నటించిన ‘ఇరుముడి’ మార్నింగ్ షో అనంతరం మీడియాకు ప్రత్యేక టీజర్‌ను ప్రదర్శించారు. గూస్‌బంప్స్ తెప్పించేలా ఉన్న విజువల్స్, ఆసక్తికరమైన కాన్సెప్ట్ సినిమాపై అంచనాలను మరింత పెంచుతున్నాయి.