‘ఆదర్శ కుటుంబం’పై మైత్రి సంస్థ కీలక నిర్ణయం ఇదే!

విక్టరీ వెంకటేష్ హీరోగా, శ్రీనిధి శెట్టి హీరోయిన్‌గా మాటల మాంత్రికుడు త్రివిక్రమ్ శ్రీనివాస్ దర్శకత్వంలో తెరకెక్కుతున్న ‘ఆదర్శ కుటుంబం’పై ప్రేక్షకుల్లో ఆసక్తి నెలకొంది. ఫ్యామిలీ ఎంటర్‌టైనర్‌గా రూపొందుతున్న ఈ చిత్రం వెంకటేష్‌ను మరో విభిన్నమైన పాత్రలో చూపించనుందని చిత్ర బృందం చెబుతోంది. సినిమా విడుదలకు సమయం దగ్గరపడుతున్న నేపథ్యంలో తాజాగా డిస్ట్రిబ్యూషన్‌కు సంబంధించిన కీలక అప్డేట్ వచ్చింది.

తెలంగాణలో ‘ఆదర్శ కుటుంబం’ థియేట్రికల్ డిస్ట్రిబ్యూషన్ హక్కులను ప్రముఖ సంస్థ మైత్రి మూవీ డిస్ట్రిబ్యూషన్ ఎల్‌ఎల్‌పీ దక్కించుకుంది. దీంతో అక్టోబర్ 2న ఈ సినిమాను తెలంగాణలో గ్రాండ్‌గా విడుదల చేసేందుకు ఏర్పాట్లు జరుగుతున్నాయి. హారికా అండ్ హాసిని క్రియేషన్స్ నిర్మిస్తున్న ఈ చిత్రానికి థమన్ ఎస్ సంగీతం అందిస్తున్నారు. వెంకటేష్, త్రివిక్రమ్ కాంబినేషన్‌పై ఉన్న అంచనాలు, కుటుంబ ప్రేక్షకులను ఆకట్టుకునే కథాంశం సినిమాపై మరింత ఆసక్తిని పెంచుతున్నాయి.