సినిమాల కోసం కొత్త భాషలు, యాసలు నేర్చుకోవడంపై రాశీఖన్నా ఆసక్తికర వ్యాఖ్యలు

తెలుగు చిత్రాల్లో నటిస్తూ ప్రత్యేక గుర్తింపు తెచ్చుకున్నారు. భిన్న భాషల్లో నటించేందుకు యాస, ఉచ్చారణపై నిరంతరం పనిచేయాల్సి ఉంటుందని ఆమె తెలిపారు. తాజాగా అభిమానులతో నిర్వహించిన ‘ఆస్క్‌ మీ ఎనీథింగ్‌’లో తన అనుభవాలను పంచుకుంటూ.. ప్రతి సినిమాకు కొత్త భాష, యాస, ఉచ్చారణ నేర్చుకోవడం ఒక నిరంతర ప్రక్రియగా అభివర్ణించారు.

‘‘నా జీవితమంతా ముగింపు లేని పరీక్ష రాస్తున్నట్లే అనిపిస్తుంది. ఒక భాష, ఒక యాస, ఒక ఉచ్చారణ నేర్చుకున్న వెంటనే మరో భాష కోసం సిద్ధం కావాలి. ఈ పరీక్షలకు ఎప్పటికీ గ్రాడ్యుయేషన్‌ డే ఉండదు’’ అని రాశీఖన్నా సరదాగా వ్యాఖ్యానించారు. ప్రస్తుతం ఆమె ‘ఫర్జీ 2’లో నటిస్తుండగా, రజనీకాంత్‌తో ‘ధర్మన్‌’లోనూ కనిపించనున్నారు. అలాగే అక్షయ్‌ కుమార్‌, విద్యాబాలన్‌తో కలిసి అనీస్‌ బజ్మీ దర్శకత్వంలో రూపొందుతున్న మరో చిత్రంలోనూ ఆమె కీలక పాత్ర పోషిస్తున్నారు.