రిషబ్ శెట్టి శివాజీ బయోపిక్‌లో మరో స్టార్ ఎంట్రీ

‘కాంతార’ సినిమాతో దేశవ్యాప్తంగా గుర్తింపు తెచ్చుకున్న రిషబ్ శెట్టి.. ఇప్పుడు మరో ప్రతిష్టాత్మక పాన్ ఇండియా ప్రాజెక్ట్‌తో ప్రేక్షకుల ముందుకు రాబోతున్నారు. ఆయన ప్రధాన పాత్రలో నటిస్తున్న భారీ చిత్రం ‘ది ప్రైడ్ ఆఫ్ భారత్: ఛత్రపతి శివాజీ మహారాజ్’. ఈ సినిమాలో బాలీవుడ్ నటి భూమి పెడ్నేకర్ కీలక పాత్రలో నటిస్తున్నట్లు చిత్రబృందం అధికారికంగా ప్రకటించింది. ఆమె ధైర్యసాహసాలకు ప్రతీకగా నిలిచిన వీరనారి బెలవాడి మల్లమ్మ పాత్రను పోషించనున్నారు.

ఈ సినిమాలో భాగం కావడం తనకు గౌరవంగా భావిస్తున్నట్లు భూమి పెడ్నేకర్ తెలిపారు. ‘కాంతార’లో రిషబ్ శెట్టి నటన తనను ఆకట్టుకుందని, దర్శకుడు సందీప్ సింగ్ కథ చెప్పగానే ఈ పాత్రకు అంగీకరించినట్లు వెల్లడించారు. ఇప్పటివరకు చేసిన పాత్రలకు భిన్నంగా ఈ సినిమా ఉండబోతుందని చెప్పారు. ఛత్రపతి శివాజీ మహారాజ్‌గా రిషబ్ శెట్టి నటిస్తుండగా.. అర్జున్ రాంపాల్, వివేక్ ఒబెరాయ్ కీలక పాత్రల్లో కనిపించనున్నారు. సందీప్ సింగ్ నిర్మిస్తున్న ఈ చిత్రాన్ని రెండు భాగాలుగా తెరకెక్కిస్తున్నారు. అమిత్ త్రివేది సంగీతం అందిస్తున్న ఈ సినిమా షూటింగ్ ఈ ఏడాది చివర్లో ప్రారంభం కానున్నట్లు సమాచారం.