భావోద్వేగాల బంగారు ప్రయాణం.. ‘మా ఇంటి బంగారం’

ఎంతో ఆసక్తిగా ఎదురుచూస్తున్న చిత్రాల్లో ఒకటైన ‘మా ఇంటి బంగారం’ జూన్ 19, 2026న ప్రపంచవ్యాప్తంగా గ్రాండ్‌గా విడుదలకు సిద్ధమవుతోంది. ప్రధాన పాత్రలో సమంత నటిస్తున్న ఈ చిత్రంపై ఇప్పటికే భారీ అంచనాలు నెలకొన్నాయి. విడుదలకు ఇంకా కొద్ది రోజులు మాత్రమే మిగిలి ఉండటంతో చిత్రబృందం ప్రమోషన్లను మరింత వేగవంతం చేసింది.

రాజ్ నిడిమోరు సృష్టించిన ఈ చిత్రానికి నందిని రెడ్డి దర్శకత్వం వహించగా, ట్రాలాలా పిక్చర్స్ బ్యానర్‌పై నిర్మించారు. ఇప్పటివరకు విడుదలైన ప్రచార చిత్రాలు ప్రేక్షకుల్లో మంచి ఆసక్తిని రేకెత్తించాయి. భావోద్వేగాలు, వినోదం, ఆకట్టుకునే కథాంశంతో ఈ సినిమా ప్రేక్షకులను మెప్పించేందుకు సిద్ధంగా ఉందని చిత్రబృందం నమ్మకంగా ఉంది.