విజయ్ ‘జన నాయగన్’ చివరి సినిమా కాదా?

తమిళనాడు ముఖ్యమంత్రి, ప్రముఖ నటుడు దళపతి విజయ్ నటించిన ‘జన నాయగన్’ సినిమా జనవరి 23న విడుదల కానుంది. మరో రెండు రోజుల్లో సినిమా ప్రేక్షకుల ముందుకు రానుండటంతో చిత్రబృందం ప్రమోషన్స్‌ను వేగవంతం చేసింది. ఈ సందర్భంగా సినిమా దర్శకుడు హెచ్. వినోద్ ఆసక్తికర వ్యాఖ్యలు చేశారు. ‘జన నాయగన్’ విజయ్ చివరి సినిమా కాదని, ఈ విషయం ఎవరికీ కచ్చితంగా తెలియదని తెలిపారు.

అయితే ముఖ్యమంత్రి హోదాలో విజయ్‌కు ఇది తొలి సినిమా అని చెప్పొచ్చని వినోద్ అన్నారు. ఈ సినిమా కేవలం కమర్షియల్ ఎంటర్‌టైనర్ కాదని, విజయ్‌ను గొప్పగా చూపించేందుకు మాత్రమే తెరకెక్కించలేదని స్పష్టం చేశారు. సున్నితమైన రాజకీయ అంశాల చుట్టూ కథ సాగుతుందని వెల్లడించారు. విజయ్ చివరి సినిమా ‘జన నాయగన్’ కాదన్న దర్శకుడి వ్యాఖ్యలు సోషల్ మీడియాలో వైరల్ అవుతున్నాయి. రాజకీయాల్లోకి వెళ్లిన తర్వాత కూడా విజయ్ సినిమాలు కొనసాగించే అవకాశాలపై చర్చలు జరుగుతున్నాయి.