అంతర్జాతీయ మొక్కజొన్న సదస్సుకు హైదరాబాద్ వేదిక..

తొలి అంతర్జాతీయ మొక్కజొన్న సదస్సు–2026 (IMC-2026)కు హైదరాబాద్ ఆతిథ్యం ఇవ్వనుంది. నవంబర్ 2 నుంచి 4వ తేదీ వరకు శంషాబాద్‌లోని జేడీ కన్వెన్షన్ సెంటర్‌లో మూడు రోజుల పాటు ఈ సదస్సు జరగనుంది. మారుతున్న ప్రపంచ పరిస్థితుల్లో ఆహారం, పశువుల దాణా, పశుగ్రాసం, ఇంధనం, సుస్థిరతకు మొక్కజొన్న అనే ఇతివృత్తంతో ఈ కార్యక్రమాన్ని నిర్వహిస్తున్నారు. హైదరాబాద్‌లోని ఐసీఏఆర్–నేషనల్ అకాడమీ ఆఫ్ అగ్రికల్చరల్ రీసెర్చ్ మేనేజ్‌మెంట్‌లో నిర్వహించిన కర్టెన్ రైజర్ కార్యక్రమంలో సదస్సు వివరాలను వెల్లడించారు. ఈ సందర్భంగా వ్యవసాయ పరిశోధన, విద్యాశాఖ కార్యదర్శి, ఐసీఏఆర్ డైరెక్టర్ జనరల్ డాక్టర్ ఎం.ఎల్. జాట్ మాట్లాడుతూ.. ఆహార, పోషకాహార భద్రతతో పాటు పశువుల దాణా, పారిశ్రామిక అవసరాలు, పునరుత్పాదక ఇంధనం, సుస్థిర వ్యవసాయంలో మొక్కజొన్న కీలక పాత్ర పోషిస్తోందన్నారు. ఈ రంగంలో పూర్తి సామర్థ్యాన్ని సాధించేందుకు పరిశోధనలు, సాంకేతిక ఆవిష్కరణలు, జాతీయ, అంతర్జాతీయ సంస్థల భాగస్వామ్యాలను బలోపేతం చేయాలని పేర్కొన్నారు.

ఈ సదస్సును మొక్కజొన్న సాంకేతిక నిపుణుల సంఘం, ప్రొఫెసర్ జయశంకర్ తెలంగాణ వ్యవసాయ విశ్వవిద్యాలయం, ఐసీఏఆర్, ట్రస్ట్ ఫర్ అడ్వాన్స్‌మెంట్ ఆఫ్ అగ్రికల్చరల్ సైన్సెస్, అంతర్జాతీయ మొక్కజొన్న, గోధుమల అభివృద్ధి కేంద్రం, ఐసీఏఆర్–ఇండియన్ ఇన్‌స్టిట్యూట్ ఆఫ్ మేజ్ రీసెర్చ్ సంయుక్తంగా నిర్వహిస్తున్నాయి. భారత్‌తో పాటు ఇతర దేశాల నుంచి 500 మందికి పైగా ప్రతినిధులు పాల్గొననున్నారు. 1950–51లో 20 లక్షల టన్నుల కంటే తక్కువగా ఉన్న భారత మొక్కజొన్న ఉత్పత్తి 2025–26 నాటికి 5.5 కోట్ల టన్నులు దాటిందని డాక్టర్ ఎం.ఎల్. జాట్ వెల్లడించారు. వాతావరణ మార్పులను తట్టుకునే వంగడాలు, ఆధునిక విత్తన సాంకేతికతలు, బయోటెక్నాలజీ, కృత్రిమ మేధస్సు, యాంత్రీకరణ, స్మార్ట్ ఫార్మింగ్, సుస్థిర సాగు పద్ధతులు, విలువ ఆధారిత ఉత్పత్తులపై చర్చించనున్నారు. ఆధునిక వ్యవసాయ యంత్రాలు, నూతన విత్తన రకాలు, డిజిటల్ వ్యవసాయ పరిష్కారాలు, బయో ఎనర్జీ అవకాశాలతో ప్రత్యేక ప్రదర్శనలు ఏర్పాటు చేయను