ఓటీటీలోకి వచ్చేసిన భయానక థ్రిల్లర్.. స్ట్రీమింగ్ ఎక్కడంటే?

ఓటీటీల్లో హారర్ థ్రిల్లర్ సినిమాలకు ప్రత్యేకమైన క్రేజ్ ఉంది. ఉత్కంఠ, భయం, సస్పెన్స్‌తో కూడిన కథలను ప్రేక్షకులు బాగా ఆదరిస్తున్నారు. ఈ క్రమంలో హారర్ థ్రిల్లర్ జానర్‌ను ఇష్టపడేవారికి మరో సినిమా ఓటీటీలోకి వచ్చేసింది.

హాలీవుడ్‌లో తెరకెక్కిన బ్యూరీ ది డెవిల్ ప్రస్తుతం అమెజాన్ ప్రైమ్ వీడియోలో స్ట్రీమింగ్ అవుతోంది. ఆడమ్ ఓబ్రియన్ దర్శకత్వం వహించిన ఈ సినిమా ఇంగ్లిష్‌తో పాటు తెలుగు, తమిళం, హిందీ భాషల్లోనూ అందుబాటులోకి వచ్చింది.

ఈ సినిమా కథ జూలియా అనే నర్స్ చుట్టూ తిరుగుతుంది. ఓ పాత ఇంట్లో చోటుచేసుకునే అనుమానాస్పద, భయానక సంఘటనల నేపథ్యంలో కథ సాగుతుంది. ఉత్కంఠభరితమైన సన్నివేశాలు, హారర్ అంశాలతో ప్రేక్షకులను భయపెట్టేలా ఈ సినిమా రూపొందింది. హారర్ థ్రిల్లర్ సినిమాలను ఇష్టపడేవారు బ్యూరీ ది డెవిల్‌ను ఓటీటీలో చూడొచ్చు.