ఓటీటీలోకి రానున్న 'హై జవానీ తో ఇష్క్ హోనా హై'

వరుణ్ ధావన్, మృణాల్ ఠాకూర్, పూజా హెగ్డే ప్రధాన పాత్రల్లో నటించిన రొమాంటిక్ కామెడీ చిత్రం 'హై జవానీ తో ఇష్క్ హోనా హై' జూన్ 5, 2026న భారీ అంచనాల మధ్య థియేటర్లలో విడుదలైంది. అయితే, ఈ చిత్రం బాక్సాఫీస్ వద్ద ఆశించిన విజయాన్ని అందుకోలేకపోయింది.

ఇప్పుడు ఈ సినిమా ఓటీటీ ప్రేక్షకులను అలరించేందుకు సిద్ధమైంది. జీ5 ఈ చిత్రం డిజిటల్ హక్కులను సొంతం చేసుకోగా, జూలై 31 నుంచి హిందీలో స్ట్రీమింగ్ చేయనున్నట్లు అధికారికంగా ప్రకటించింది. డేవిడ్ ధావన్ దర్శకత్వం వహించిన ఈ చిత్రాన్ని టిప్స్ ఫిల్మ్స్ బ్యానర్‌పై రమేష్ తౌరానీ నిర్మించారు. మనీష్ పాల్, చంకీ పాండే, జిమ్మీ షెర్గిల్, మౌనీ రాయ్ కీలక పాత్రల్లో నటించారు.