గవర్నర్ శివప్రతాప్ శుక్లాకు ఆత్మకథను బహూకరించిన మాజీ రాష్ట్రపతి రామ్‌నాథ్ కోవింద్

ఓ కార్యక్రమంలో పాల్గొనేందుకు హైదరాబాద్‌కు వచ్చిన భారత మాజీ రాష్ట్రపతి రామ్‌నాథ్ కోవింద్ మంగళవారం లోక్‌భవన్‌లో బస చేశారు. ఈ సందర్భంగా తెలంగాణ గవర్నర్ శివప్రతాప్ శుక్లా ఆయనకు ఆత్మీయ స్వాగతం పలికారు. అనంతరం శాలువాతో సత్కరించి జ్ఞాపికను అందజేశారు.

ఈ సందర్భంగా రామ్‌నాథ్ కోవింద్ తన జీవితం, పోరాటాలు, ప్రజా జీవితంలోని అనుభవాలను పొందుపరిచిన ‘ట్రయంఫ్ ఆఫ్ ది ఇండియన్ రిపబ్లిక్: మై లైఫ్, మై స్ట్రగుల్స్’ ఆత్మకథ పుస్తకాన్ని గవర్నర్ శివప్రతాప్ శుక్లాకు బహూకరించారు. అనంతరం ఇరువురు కొద్దిసేపు ఆత్మీయంగా ముచ్చటించారు. గవర్నర్ ప్రత్యేక ప్రధాన కార్యదర్శి ఎం. దాన కిషోర్, సంయుక్త కార్యదర్శి కొమండూరు శశి కిరణ్ తదితరులు కార్యక్రమంలో పాల్గొన్నారు.