అభిషేక్‌పై వైఖరి మార్చుకున్న కళ్యాణ్ బెనర్జీ

తృణమూల్ కాంగ్రెస్ ఎంపీ కళ్యాణ్ బెనర్జీ, పశ్చిమ బెంగాల్ ముఖ్యమంత్రి మమతా బెనర్జీకి అభిషేక్ బెనర్జీ లేదా తనలో ఎవరిని ఎంచుకోవాలో చెప్పాలని అల్టిమేటం ఇచ్చిన తర్వాత యూటర్న్ తీసుకున్నారు. అభిషేక్ తన కొడుకులాంటి వాడని, కొడుకు తప్పు చేస్తే క్షమించడం తండ్రి గుణమని పేర్కొంటూ ఆయనను క్షమిస్తున్నట్లు తెలిపారు. అలాగే ఎన్‌డీఏ అధికారంలోకి వచ్చిన తర్వాత బెంగాల్‌లో ప్రజాస్వామ్యం ప్రమాదంలో పడిందని విమర్శించారు.

టీఎంసీని వీడిన ఎంపీలపై కూడా ఆయన తీవ్ర విమర్శలు చేశారు. భాజపా వ్యూహాన్ని అర్థం చేసుకోలేక వారు పార్టీని విడిచిపోయారని, ఇప్పుడు ఆ పార్టీ ఆధీనంలో ఉండాల్సి వస్తుందని అన్నారు. టీఎంసీ కాంగ్రెస్‌లో విలీనమవుతుందనే వార్తలను ఖండించారు. ముందుగా అభిషేక్‌పై తీవ్ర ఆరోపణలు చేసిన కళ్యాణ్, ఆయన అహంకారంగా వ్యవహరిస్తున్నారని, సీనియర్లను గౌరవించరని విమర్శించినప్పటికీ, ఇప్పుడు తన వైఖరిని మార్చుకోవడం గమనార్హం.