బిగ్‌బాస్ తెలుగు 10: చరణ్ వర్సెస్ ముఖేష్ వార్.. ఈ వారమే వైల్డ్ కార్డ్ ఎంట్రీ!

బిగ్‌బాస్ తెలుగు 10 మూడో వారం నామినేషన్ ప్రక్రియలో కంటెస్టెంట్ల మధ్య మాటల యుద్ధాలు మరింత వేడెక్కాయి. ముఖేష్ గౌడ చరణ్‌ను నామినేట్ చేయడంతో ఇద్దరి మధ్య వాగ్వాదం చోటుచేసుకుంది. ఈ సందర్భంగా చరణ్ హౌస్‌లో కంటెస్టెంట్‌గా ఉండటం కంటే ఆడియన్‌గా ఉండటమే మంచిదని ముఖేష్ వ్యాఖ్యానించినట్లు సమాచారం. మరోవైపు సంచాలకురాలిగా వర్షిణి పనితీరుపై శాలినీ ప్రశ్నలు లేవనెత్తడంతో ఇద్దరి మధ్య కూడా తీవ్ర వాగ్వాదం జరిగినట్లు తెలుస్తోంది.

ఇదే సమయంలో ఈ వారం బిగ్‌బాస్ హౌస్‌లోకి వైల్డ్ కార్డ్ ఎంట్రీ ఉండొచ్చనే ప్రచారం జరుగుతోంది. అగ్నిపరీక్షలో ప్రతిభ చూపించినప్పటికీ తొలుత హౌస్‌లోకి ప్రవేశించే అవకాశం దక్కని మిథిలేష్, అపూర్వ, రామకృష్ణలో ఒకరిని వైల్డ్ కార్డ్ ద్వారా తీసుకురావచ్చనే టాక్ వినిపిస్తోంది. అయితే ఈ ముగ్గురిలో ఎవరు హౌస్‌లోకి అడుగుపెడతారనే విషయం అధికారిక ప్రకటన తర్వాతే స్పష్టమవుతుంది.