వాషీ కోసం గంభీర్‌-గిల్‌ వర్సెస్‌ లక్ష్మణ్‌.. అసలు ఏం జరిగిందంటే?

అఫ్గానిస్తాన్‌పై టీ20 సిరీస్‌ను 3-0తో క్లీన్‌స్వీప్‌ చేసిన టీమిండియా.. వెస్టిండీస్‌తో పరిమిత ఓవర్ల సిరీస్‌కు సిద్ధమవుతోంది. సెప్టెంబర్‌ 27 నుంచి అక్టోబర్‌ 17 వరకు భారత్‌-వెస్టిండీస్‌ మధ్య మూడు వన్డేలు, ఐదు టీ20లు జరగనున్నాయి. వన్డే జట్టుకు శుభ్‌మన్‌ గిల్‌, టీ20 జట్టుకు శ్రేయస్‌ అయ్యర్‌ కెప్టెన్లుగా వ్యవహరించనున్నారు. వన్డే జట్టుతో గౌతం గంభీర్‌ కొనసాగనుండగా, జపాన్‌లో జరిగే ఆసియా క్రీడల్లో భారత పురుషుల జట్టుకు వీవీఎస్‌ లక్ష్మణ్‌ హెడ్‌కోచ్‌గా వ్యవహరించనున్నాడు.

దైనిక్‌ జాగరణ్‌ కథనం ప్రకారం.. వాషింగ్టన్‌ సుందర్‌ను వెస్టిండీస్‌తో వన్డేల్లో ఆడించాలని గంభీర్‌, కెప్టెన్‌ గిల్‌ భావించినట్లు సమాచారం. వెస్టిండీస్‌ జట్టులో పలువురు ఎడమచేతి వాటం బ్యాటర్లు ఉండటంతో సుందర్‌ ఆఫ్‌ స్పిన్‌ ఉపయోగపడుతుందని వారు భావించినట్లు కథనం పేర్కొంది. మరోవైపు ఆసియా క్రీడల జట్టులోనూ సుందర్‌ను కొనసాగించాలని లక్ష్మణ్‌ కోరుకున్నట్లు సమాచారం. చివరకు సుందర్‌ ఆసియా క్రీడల జట్టులోనే కొనసాగగా, వెస్టిండీస్‌తో టీ20 సిరీస్‌ కోసం ప్రకటించిన భారత జట్టులోనూ అతడికి చోటు దక్కింది. అయితే గంభీర్‌-గిల్‌, లక్ష్మణ్‌ మధ్య జరిగినట్లు చెబుతున్న ఈ చర్చపై బీసీసీఐ నుంచి అధికారిక ధృవీకరణ లేదు.