ICC ర్యాంకింగ్స్‌లో ప్రపంచ నంబర్ వన్ గా తెలుగు క్రికెటర్

తెలుగు క్రికెటర్ శ్రీచరణి ఐసీసీ మహిళల టీ20 బౌలర్ల తాజా ర్యాంకింగ్స్‌లో ప్రపంచ నంబర్ వన్ స్థానం దక్కించుకుని అరుదైన ఘనత సాధించారు. కడపకు చెందిన ఈ యువ స్పిన్నర్ ఇటీవల జరిగిన మహిళల టీ20 ప్రపంచకప్‌లో కేవలం మూడు మ్యాచ్‌ల్లోనే 10 వికెట్లు పడగొట్టి అద్భుత ప్రదర్శన కనబరిచారు.

తన అద్భుత బౌలింగ్‌తో ఇంగ్లండ్ స్పిన్నర్ లిన్సే స్మిత్‌ను అధిగమించిన శ్రీచరణి ప్రపంచ నంబర్ వన్ టీ20 బౌలర్‌గా నిలిచారు. ఆమె సాధించిన ఈ ఘనతపై ఆంధ్రప్రదేశ్‌తో పాటు క్రికెట్ వర్గాలు హర్షం వ్యక్తం చేస్తున్నాయి. మంత్రి నారా లోకేశ్ ఆమెకు అభినందనలు తెలియజేస్తూ, “ఏపీ నిన్ను చూసి గర్విస్తోంది. భవిష్యత్తులో మరెన్నో రికార్డులు సృష్టించాలి” అని ఆకాంక్షించారు.