గాజాకు నార్వే ఫుట్‌బాల్ సాయం

నార్వే ఫుట్‌బాల్ సమాఖ్య 2026 ఫిఫా ప్రపంచకప్ క్వాలిఫయర్‌లో ఇజ్రాయెల్‌తో జరిగే మ్యాచ్ టికెట్ అమ్మకాల ద్వారా వచ్చిన మొత్తం లాభాలను గాజాలోని మానవతా సహాయ కార్యక్రమాలకు విరాళంగా ఇవ్వనున్నట్లు ప్రకటించింది. సమాఖ్య తన బడ్జెట్ నుంచి అదనపు నిధులు, ఓ అజ్ఞాత దాత అందించిన విరాళాన్ని కలిపి సుమారు 4.5 మిలియన్ నార్వేజియన్ క్రోనర్లు సమీకరించింది. ఈ నిధులను గాజాలో అత్యవసర వైద్య సేవల కోసం డాక్టర్స్ వితౌట్ బోర్డర్స్ సంస్థకు అందజేయనున్నారు.

ఎన్‌ఎఫ్‌ఎఫ్ అధ్యక్షురాలు లిసే క్లావెనెస్ మాట్లాడుతూ, గాజాలో నెలకొన్న మానవతా సంక్షోభాన్ని దృష్టిలో ఉంచుకుని ఈ నిర్ణయం తీసుకున్నామని తెలిపారు. అమాయక ప్రజల బాధల పట్ల తాము మౌనంగా ఉండలేమని పేర్కొన్నారు. అయితే ఈ నిర్ణయంపై భిన్న స్పందనలు వ్యక్తమయ్యాయి. చాలామంది దీనిని మానవతా దృక్పథంతో తీసుకున్న నిర్ణయంగా స్వాగతించగా, కొందరు ఇజ్రాయెల్ ఫుట్‌బాల్ అధికారులు 2023 అక్టోబర్ 7 దాడుల్లో బాధితుల పట్ల కూడా సమాన దృష్టి అవసరమని అభిప్రాయపడ్డారు.