ఆర్ట్ గుర్తింపు కోసం స్మార్ట్ గైడ్‌గా మారిన ఈకాన్ యాప్

చెన్నై కేంద్రంగా ఉన్న ఆర్ట్ ప్లాట్‌ఫారమ్ అసైన్ అభివృద్ధి చేసిన కొత్త యాప్ “ఈకాన్ ” మ్యూజియం అనుభవాన్ని పూర్తిగా మార్చేస్తోంది. ఈ యాప్ ద్వారా స్మార్ట్‌ఫోన్ కెమెరాతో చిత్రాలపై చూపిస్తే, ఆ కళాకృతిని గుర్తించి ఆర్టిస్ట్, టైటిల్, మీడియం, ప్రొవెనెన్స్ వంటి వివరాలను అందిస్తుంది.

అదనంగా, కురేటర్ తరహా విశ్లేషణలు కూడా అందిస్తూ, వినియోగదారులు తమ మ్యూజియం సందర్శనలను డైరీలా సేవ్ చేసుకునే అవకాశం కల్పిస్తుంది. ప్రస్తుతం ఈ యాప్ న్యూయార్క్‌లోని ప్రముఖ మ్యూజియంల డేటాను ఉపయోగిస్తోంది. భవిష్యత్తులో మరిన్ని మ్యూజియంలను చేర్చనున్నారు. AI కంటే విశ్వసనీయమైన ఇన్‌స్టిట్యూషనల్ సమాచారం అందించడం దీని ప్రధాన లక్ష్యం.