Oppo F35 Series: 8000mAh బ్యాటరీ, 80W ఫాస్ట్ ఛార్జింగ్

Oppo సంస్థ అక్టోబర్ 5న భారత మార్కెట్లో కొత్త F35 సిరీస్ స్మార్ట్‌ఫోన్లను విడుదల చేయడానికి సిద్ధమవుతోంది. ఈ సిరీస్‌లో Oppo F35 5G, Oppo F35 Pro 5G అనే రెండు మోడళ్లు ఉండనున్నాయి. ఈ ఫోన్లను Amazon, Flipkartతో పాటు Oppo అధికారిక వెబ్‌సైట్ ద్వారా కొనుగోలు చేసే అవకాశం ఉంది. డిజైన్ పరంగా F35 5Gలో పిల్ ఆకారపు కెమెరా మాడ్యూల్, F35 Pro 5Gలో రెక్టాంగులర్ కెమెరా ఐలాండ్‌ను అందించారు.

కెమెరాల విషయానికి వస్తే.. రెండు మోడళ్లలోనూ సెల్ఫీలు, వీడియో కాల్స్ కోసం 50 మెగాపిక్సెల్ ఫ్రంట్ కెమెరాను అందించారు. F35 Pro 5G వెనుక భాగంలో OIS సపోర్ట్‌తో 50 మెగాపిక్సెల్ ప్రధాన కెమెరా, 8 మెగాపిక్సెల్ అల్ట్రావైడ్ కెమెరా ఉన్నాయి. స్టాండర్డ్ F35 5Gలో 50 మెగాపిక్సెల్ మెయిన్ కెమెరాతో పాటు 2 మెగాపిక్సెల్ డెప్త్ సెన్సార్‌ను ఇచ్చారు. డ్యూయల్ వీడియో మోడ్, AI పోర్ట్రెయిట్ గ్లో వంటి ఏఐ ఆధారిత ఫీచర్లు కూడా ఈ సిరీస్‌లో ఉన్నాయి.

పనితీరు పరంగా Oppo F35 Pro 5Gలో MediaTek Dimensity 7360 Max చిప్‌సెట్‌ను, F35 5Gలో MediaTek Dimensity 6360 ప్రాసెసర్‌ను అందించారు. ఈ సిరీస్‌లో ప్రధాన ఆకర్షణగా 8000mAh భారీ బ్యాటరీ నిలుస్తోంది. రెండు ఫోన్లలోనూ 80W వైర్డ్ ఫాస్ట్ ఛార్జింగ్ సపోర్ట్‌ను అందించారు. భారీ బ్యాటరీ, వేగవంతమైన ఛార్జింగ్, కెమెరా ఫీచర్లతో వస్తున్న ఈ కొత్త స్మార్ట్‌ఫోన్లు మార్కెట్లో వినియోగదారులను ఆకట్టుకునే అవకాశం ఉంది.