వివో నుంచి అదిరిపోయే కొత్త ఫోన్ లాంచ్

వివో తన ఎస్‌50 సిరీస్‌లో భాగంగా ఎస్‌50టీ వైటాలిటీ ఎడిషన్ స్మార్ట్‌ఫోన్‌ను చైనాలో విడుదల చేసింది. ఈ ఫోన్ 6.59 అంగుళాల అమోలెడ్ డిస్‌ప్లేతో 120 హెర్ట్జ్ రిఫ్రెష్ రేట్‌ను కలిగి ఉంది. క్వాల్‌కామ్ స్నాప్‌డ్రాగన్ 8ఎస్ జెన్ 3 చిప్‌సెట్‌తో పనిచేసే ఈ ఫోన్‌లో 16 జీబీ వరకు ర్యామ్‌, 512 జీబీ వరకు స్టోరేజ్‌ ఉంది. 50 మెగాపిక్సెల్ పెరిస్కోప్ టెలిఫోటో కెమెరా, 6,500 ఎంఏహెచ్ బ్యాటరీ, 90 వాట్ల ఫాస్ట్ ఛార్జింగ్‌ దీని ప్రధాన ఫీచర్లు.

12 జీబీ + 256 జీబీ వేరియంట్ ధర సీవైఎన్ 3,299 (సుమారు ₹46,700)గా ఉంది. 12 జీబీ + 512 జీబీ మోడల్ ధర సీవైఎన్ 3,699 (సుమారు ₹52,300), 16 జీబీ + 512 జీబీ వేరియంట్ ధర సీవైఎన్ 3,999 (సుమారు ₹56,600)గా నిర్ణయించారు. ఆండ్రాయిడ్ 16 ఆధారిత ఒరిజిన్‌ఓఎస్ 6పై పనిచేసే ఈ ఫోన్‌లో 5జీ, ఎన్‌ఎఫ్‌సీ, వై-ఫై 6, బ్లూటూత్ 5.4, యూఎస్‌బీ టైప్-సీ వంటి కనెక్టివిటీ ఫీచర్లు ఉన్నాయి.