క్రెడిట్ కార్డు కేసులో భారీ ఊరట !

ముంబైలో భారీ క్రెడిట్ కార్డు బిల్లు చెల్లింపులపై జరిగిన కేసులో ఇన్‌కమ్ ట్యాక్స్ అప్పీలేట్ ట్రైబ్యునల్ (ITAT) కీలక తీర్పు ఇచ్చింది. ఓ వ్యక్తి రూ.27.65 లక్షల క్రెడిట్ కార్డు బిల్లులో రూ.13.95 లక్షలు నగదు రూపంలో చెల్లించడంతో ఆదాయపు పన్ను శాఖ ఆయనకు నోటీసులు జారీ చేసింది. ఈ నగదు ఎక్కడి నుంచి వచ్చిందనే అంశంపై వివరణ కోరింది.

ఆ వ్యక్తి తన భార్య, తల్లిదండ్రుల నుంచి వచ్చిన ఆర్థిక సహాయంగా ఈ డబ్బు ఉపయోగించానని తెలిపాడు. అయితే ఆదాయపు పన్ను అధికారులు ఆ వివరణను పూర్తిగా అంగీకరించలేదు. అనంతరం కేసు ITATకు వెళ్లగా, అక్కడ కొంత ఉపశమనం లభించింది. భార్య నుంచి వచ్చిన రూ.3 లక్షలు సరైనదిగా గుర్తించగా, రూ.4.7 లక్షలను మాత్రమే అనధికారిక ఆదాయంగా పరిగణించారు. మిగతా మొత్తంపై పాక్షిక ఊరట లభించింది.