ఐశ్వర్య గౌడ ముందస్తు బెయిల్ పిటిషన్ కొట్టివేత

మహిళా ఎస్‌ఐపై చేయి చేసుకున్నారనే ఆరోపణలతో నమోదైన కేసులో ఎమ్మెల్యే సురేష్ గౌడ కుమార్తె ఐశ్వర్య గౌడ దాఖలు చేసిన ముందస్తు బెయిల్ పిటిషన్‌ను శ్రీరంగపట్నం 3వ అదనపు జిల్లా, సెషన్స్ కోర్టు కొట్టివేసింది. మండ్య జిల్లా శ్రీరంగపట్నం తాలూకా ఆరతి ఉక్కడలోని శ్రీ అహల్యాదేవి ఆలయం వద్ద గత నెల 12న ఎస్‌ఐ సవిత విధుల్లో ఉండగా ఐశ్వర్య గౌడతో గొడవ జరిగినట్లు పోలీసులు తెలిపారు.

ఈ ఘటనపై ఎస్‌ఐ సవిత క్యాతనహళ్లి పోలీస్ స్టేషన్‌లో ఫిర్యాదు చేయడంతో ఐశ్వర్య గౌడపై కేసు నమోదైంది. అరెస్టు భయంతో ఆమె ముందస్తు బెయిల్ కోసం కోర్టును ఆశ్రయించగా, న్యాయస్థానం పిటిషన్‌ను తిరస్కరించింది. దీంతో ఐశ్వర్య గౌడకు ఈ కేసులో అరెస్టు ముప్పు ఏర్పడింది.