ఏపీ హోంమంత్రి అనిత ఎక్స్‌ ఖాతా హ్యాక్‌

ఆంధ్రప్రదేశ్ హోంమంత్రి అనిత ఎక్స్‌ (మాజీ ట్విటర్‌) ఖాతా హ్యాక్‌కు గురైంది. ఈ హ్యాకింగ్‌ ఉద్దేశపూర్వకంగానే జరిగి ఉండొచ్చని ఆమె అనుమానం వ్యక్తం చేశారు. రాష్ట్ర హోంమంత్రిగా ఉన్న ఆమె ఖాతా హ్యాక్‌ కావడం ప్రాధాన్యత సంతరించుకుంది.

ఈ ఘటనపై హోంమంత్రి అనిత సైబర్‌ క్రైమ్‌ ఐజీ రవికృష్ణతో ఫోన్‌లో మాట్లాడి సమగ్ర దర్యాప్తు చేపట్టాలని కోరారు. అలాగే అనకాపల్లి పోలీసులకు అధికారికంగా ఫిర్యాదు చేయగా, కేసు నమోదు చేసి దర్యాప్తు ప్రారంభించారు.