ఫేక్ సర్టిఫికేట్లతో కాలేజీలకు బిగ్ షాక్!

తెలంగాణలో ఫేక్ ఫైర్ ఎన్‌ఓసీలు సమర్పించిన కాలేజీలపై ఇంటర్ బోర్డు కఠిన చర్యలు చేపట్టింది. ఇప్పటివరకు 45 కాలేజీలను గుర్తించి, ప్రతి కాలేజీకి రూ.8 లక్షల చొప్పున భారీ జరిమానా విధించింది. విద్యార్థుల భద్రతను దృష్టిలో ఉంచుకుని ఈ చర్యలు తీసుకున్నట్లు అధికారులు తెలిపారు. ఫైర్ సేఫ్టీ ప్రమాణాలను పాటించకుండా నకిలీ ధృవపత్రాలు సమర్పించడం తీవ్రంగా పరిగణించినట్టు వెల్లడించారు.

ఇకపై ఇలాంటి అక్రమాలకు తావులేకుండా కఠిన తనిఖీలు కొనసాగుతాయని ఇంటర్ బోర్డు స్పష్టం చేసింది. కాలేజీలు అన్ని భద్రతా నిబంధనలను తప్పనిసరిగా పాటించాలని హెచ్చరించింది. విద్యార్థుల ప్రాణ భద్రతే ముఖ్యమని, ఎలాంటి నిర్లక్ష్యం సహించబోమని అధికారులు తెలిపారు.