ఎల్లుండి తిరుమలకు సీఎం చంద్రబాబు

ముఖ్యమంత్రి చంద్రబాబు నాయుడు ఎల్లుండి తిరుమలకు వెళ్లనున్నారు. తిరుమల శ్రీవారి సాలకట్ల బ్రహ్మోత్సవాల్లో సీఎం పాల్గొని.. స్వామివారికి పట్టువస్త్రాలు సమర్పించనున్నారు. సీఎం దంపతులు శ్రీవారిని దర్శించుకుని ప్రత్యేక పూజల్లో పాల్గొననున్నారు.

ఈ నెల 16న తిరుమలలో పలు అభివృద్ధి కార్యక్రమాలను సీఎం ప్రారంభించనున్నారు. ఎస్వీ మ్యూజియం, ఎలక్ట్రికల్‌ బస్సులు, ‘నందనం’ యాప్‌ను ప్రారంభించడంతో పాటు భక్తుల కోసం ఎల్‌ఐసీ పథకాన్ని అందుబాటులోకి తీసుకురానున్నారు. అలాగే ఇంటిగ్రేటెడ్‌ పిలిగ్రీమ్‌ సెంటర్‌ను కూడా సీఎం ప్రారంభించనున్నారు.