ఐబొమ్మ రవి నాంపల్లి కోర్టులో పిటిషన్

ఐబొమ్మ రవి తన బ్యాంక్ ఖాతాల్లో ఫ్రీజ్ చేసిన రూ.3 కోట్లను అన్‌ఫ్రీజ్ చేయాలని కోరుతూ నాంపల్లి కోర్టులో పిటిషన్ దాఖలు చేశారు. ఖాతాలు ఫ్రీజ్ కావడంతో ఆర్థిక ఇబ్బందులు ఎదుర్కొంటున్నానని, కుటుంబాన్ని పోషించుకోవడం కష్టంగా మారిందని పిటిషన్‌లో పేర్కొన్నారు. కుటుంబ జీవనం కొనసాగించేందుకు ఖాతాలను అన్‌ఫ్రీజ్ చేయాలని ఆయన కోర్టును కోరారు.

ఐబొమ్మ పైరసీ కేసులో అరెస్టయిన ఇమ్మడి రవి ప్రస్తుతం బెయిల్‌పై బయట ఉన్నారు. దర్యాప్తులో భాగంగా పోలీసులు ఆయన బ్యాంక్ ఖాతాలు, ఆస్తుల డిపాజిట్లను ఫ్రీజ్ చేసినట్లు సమాచారం. ఖాతాలు నిలిచిపోవడంతో తీవ్ర ఆర్థిక ఇబ్బందులు ఎదుర్కొంటున్నానని పేర్కొంటూ, ఫ్రీజ్ చేసిన మొత్తాన్ని విడుదల చేయాలని రవి నాంపల్లి కోర్టును ఆశ్రయించారు.