హామీలు అమలు కాకపోతే నన్నే ప్రశ్నించండి – కవిత

తెలంగాణ రాష్ట్ర సమితి వ్యవస్థాపక అధ్యక్షురాలు కల్వకుంట్ల కవిత, తమ పార్టీ అధికారంలోకి వస్తే రాష్ట్ర ప్రజలకు ఉచిత విద్య, ఉచిత వైద్యం వెంటనే అందజేస్తామని హామీ ఇచ్చారు. సంగారెడ్డిలో నిర్వహించిన పార్టీ జెండా పండుగ కార్యక్రమంలో పాల్గొన్న ఆమె, వ్యవసాయ రంగానికి ప్రత్యేక ప్రాధాన్యం ఇస్తూ ప్రత్యేక అధికారులను నియమిస్తామని తెలిపారు. ఇచ్చిన హామీలను అమలు చేయకపోతే తనను ప్రజలు ప్రశ్నించాలని ఆమె పేర్కొన్నారు.

యువతకు 4 లక్షల ఉద్యోగాలు కల్పిస్తామని, ఉపాధి అవకాశాల కోసం రూ.20 కోట్ల వరకు నేరుగా రుణసాయం అందిస్తామని కవిత చెప్పారు. సంగారెడ్డి జిల్లాలో అధికార, ప్రతిపక్ష పార్టీల నాయకులపై విమర్శలు చేసిన ఆమె, సింగూరు ప్రాజెక్టు నిర్లక్ష్యానికి సంబంధించి ఆరోపణలు చేశారు. అలాగే 200 ఎకరాల భూమి ఆక్రమణ అంశాన్ని కూడా ప్రస్తావిస్తూ ప్రభుత్వంపై విమర్శలు గుప్పించారు.