హైదరాబాద్‌ విమానాశ్రయంలో తగ్గిన ప్రయాణికుల రద్దీ.

హైదరాబాద్‌లోని రాజీవ్‌ గాంధీ అంతర్జాతీయ విమానాశ్రయంలో ఆగస్టు నెలలో ప్రయాణికుల రద్దీ గతేడాది ఇదే నెలతో పోలిస్తే 11.5 శాతం తగ్గింది. జీఎంఆర్‌ నివేదిక ప్రకారం.. ఆగస్టులో మొత్తం 21,86,082 మంది ప్రయాణికులు విమానాశ్రయం ద్వారా రాకపోకలు సాగించారు. గతేడాది ఆగస్టులో ఈ సంఖ్య 24,70,499గా ఉంది. దేశీయ ప్రయాణికుల రద్దీ 13.6 శాతం, అంతర్జాతీయ ప్రయాణికుల రద్దీ 26 శాతం తగ్గింది. అంతర్జాతీయ పరిణామాలు, ఇంధన ధరల పెరుగుదల తదితర అంశాలు ఈ క్షీణతకు కారణాలుగా నివేదిక పేర్కొంది.

జూలైలో నమోదైన 9.6 శాతం క్షీణతతో పోలిస్తే ఆగస్టులో ప్రయాణికుల తగ్గుదల మరింత ఎక్కువగా ఉంది. ప్రయాణికుల సంఖ్య తగ్గడంతో విమాన సర్వీసుల రాకపోకలు కూడా తగ్గాయి. ఆగస్టులో శంషాబాద్‌ విమానాశ్రయంలో 14,583 విమానాల రాకపోకలు నమోదయ్యాయి. గతేడాదితో పోలిస్తే ఇది 14.2 శాతం తక్కువ. అయితే ఢిల్లీ ఇందిరాగాంధీ అంతర్జాతీయ విమానాశ్రయంలో మాత్రం ప్రయాణికుల రద్దీ 2.7 శాతం పెరిగింది. అక్కడ అంతర్జాతీయ ప్రయాణికుల సంఖ్య 17 శాతం, దేశీయ ప్రయాణికుల సంఖ్య 3 శాతం పెరిగింది.